Gulilola Majidovaning hayotidagi eng baxtli kun: egizak o‘g‘illari 1 yoshda
Gulilola Majidovaning egizak o'g'illari bir yoshga to'ldi. Aktrisa 26 dekabr kuni Instagram sahifasida farzandlarining tug'ilgan kuni munosabati bilan samimiy surat joyladi. U 26.12.2024 sanasini hayotidagi eng baxtli kun deb atab, egizak o'g'illarni nasib etgani uchun Ollohga shukr bildirdi. Muxlislar Gulilola Majidova va uning farzandlarini tabriklab, ezgu tilaklar yo'lladi.
Aktrisa Gulilola Majidova uchun 26 dekabr sanasi alohida ahamiyatga ega. Aynan shu kuni, o‘tgan yili, u ilk bor ona bo‘lib, hayotida unutilmas va quvonchli sahifa ochilgan edi.
Kecha aktrisa o‘zining Instagram sahifasida egizak farzandlari bir yoshga to‘lgani munosabati bilan iliq va samimiy surat joyladi. Ushbu surat qisqa fursatda muxlislar e’tiborini tortib, ko‘plab tabriklar va ezgu tilaklarga sabab bo‘ldi.
Rasm ostida Gulilola Majidova o‘z his-tuyg‘ularini quyidagi so‘zlar bilan ifoda etdi:
“26.12.2024. Mening eng baxtli kunimga bir yil bo‘ldi. Alhamdulillah, egizak o‘g‘illarni nasib etgan Ollohimga ming shukr!”
Aktrisaning bu samimiy izohi uning ona bo‘lish baxtini, shukronalik va quvonchga to‘la kayfiyatini yaqqol namoyon etdi. Muxlislar esa aktrisani va uning egizak farzandlarini ushbu quvonchli kun bilan samimiy tabriklamoqda.
Izohlar 0
…