Sirdaryo va Namangan viloyatlarida bir qator yangi hokimlar lavozimga tayinlandi. Bu haqda rasmiy manbalar xabar bermoqda.
Sirdaryo viloyati Shirin shahri hokimi lavozimiga Kambarova Dilfuza Yigitaliyevna tayinlandi. U tayinlovga qadar Xalq banki Sirdaryo viloyati mintaqaviy markazining Ayollar tadbirkorligini qo‘llab-quvvatlash bo‘yicha mintaqaviy markaz boshlig‘i o‘rinbosari sifatida faoliyat yuritgan.
Namangan viloyatida Yangi Namangan tumani hokimi lavozimiga Karabayev Adham Jakbaraliyevich tayinlandi. U avval “Hududiy elektr tarmoqlari” AJ Namangan filiali bosh direktori bo‘lgan. Shu bilan birga, Uychi tumani hokimi lavozimiga Abdullayev Muzaffar Abdug‘aniyevich tayinlandi. U viloyat iqtisodiyot va moliya bosh boshqarmasi boshlig‘ining birinchi o‘rinbosari sifatida ishlagan.
Rasmiy ma’lumotlarga ko‘ra, yangi hokimlarning faoliyati hududlarning ijtimoiy-iqtisodiy rivojlanishini ta’minlash va aholiga sifatli xizmat ko‘rsatishga qaratiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
