2026-yilning 1-yanvaridan boshlab Namanganda yangi soliq boshqaruvi modeli bo'yicha tajriba amalga oshirilishi rejalashtirilmoqda, deb xabar berdi Adliya vazirligi. Rejaga ko'ra, 2026-yildan e'tiboran fuqarolarning ko'chmas mulkni ijaraga berishdan oladigan daromadlaridan to'lanadigan soliqlar to'liq ravishda ushbu obyekt joylashgan hududning mahalliy byudjetiga yo'naltiriladi.
"Ochiq byudjet" portalida yangi xizmat — "Jismoniy shaxslar soliqlari hisobidan xarajatlar" moduli ishga tushiriladi. Ushbu modul orqali aholi o'zi to'lagan soliqlar miqdorini va ushbu mablag'lar qaysi byudjet xarajatlariga yo'naltirilganini ko'rishi mumkin bo'ladi.
Modulda daromad, mol-mulk va yer soliqlari bo'yicha ma'lumotlar hamda ushbu mablag'lar hisobidan moliyalashtirilgan loyihalar haqida axborot taqdim etiladi.
Mehmon guruhidagi foydalanuvchilar ushbu nashrga izoh qoldira olmaydi.
