O‘zgidromet 16-yanvar kuni uchun ob-havo prognozi bilan o‘rtoqlashdi. Ertaga respublika bo‘ylab havo asosan o‘zgaruvchan bo‘ladi: ayrim hududlarda yomg‘ir yog‘adi, ba’zi joylarda qorga aylanishi mumkin. Tuman tushishi va shamolning kuchayishi ham kutilmoqda — shuning uchun yo‘lda ehtiyot bo‘lish kerak.
Toshkent shahri
Poytaxtda havo o‘zgaruvchan, vaqti-vaqti bilan yomg‘ir yog‘adi, kechqurun qorga aylanishi ehtimoli bor.
Shamol g‘arbdan 5–10 m/s. Harorat kechasi va kunduzi 6–8° iliq.
Qoraqalpog‘iston va Xorazm
Ayrim joylarda biroz qor yog‘ishi, tuman tushishi mumkin.
Shamol g‘arbdan 7–12 m/s. Harorat kechasi 2–7° sovuq, kunduzi 2° sovuqdan 3° iliqqacha.
Buxoro va Navoiy
Ba’zi joylarda yog‘ingarchilik (yomg‘ir, qor) va tuman kutilmoqda.
Shamol g‘arbdan 7–12 m/s, ayrim hududlarda 15–20 m/s gacha kuchayishi mumkin.
Harorat kechasi 3° sovuqdan 2° iliqqacha, kunduzi 0–5° iliq.
Toshkent viloyati, Sirdaryo, Jizzax, Samarqand
Ba’zi joylarda yomg‘ir-qor, tuman ehtimoli bor.
Shamol g‘arbdan 7–12 m/s, ayrim joylarda 15–20 m/s gacha kuchayadi.
Harorat kechasi va kunduzi 3–8° iliq.
Qashqadaryo va Surxondaryo
Havo o‘zgaruvchan, ba’zi joylarda yog‘ingarchilik (yomg‘ir, qor) va tuman kutilmoqda.
Shamol g‘arbdan 7–12 m/s, ayrim joylarda 15–20 m/s gacha kuchayishi mumkin.
Harorat kechasi va kunduzi 3–8° iliq.
Andijon, Namangan, Farg‘ona
Kunning ikkinchi yarmida ayrim hududlarda yog‘ingarchilik (yomg‘ir, qor) kuzatiladi, tuman tushishi mumkin.
Sharqiy shamol yo‘nalishini o‘zgartirib, g‘arbdan 7–12 m/s esadi, ba’zi joylarda 13–18 m/s gacha kuchayadi.
Harorat kechasi 1° sovuqdan 4° iliqqacha, kunduzi 2–7° iliq.
