Xalqaro qidiruvdagi O‘zbekiston fuqarosi Xorvatiyadan qaytarildi

Xalqaro qidiruvda bo‘lgan O‘zbekiston fuqarosi Xorvatiyadan O‘zbekistonga ekstraditsiya qilindi. IIV ma’lumotiga ko‘ra, bu jarayon O‘zbekiston va Xorvatiya Interpol Milliy markaziy byurolari o‘rtasidagi muvofiqlashgan hamkorlik natijasida muvaffaqiyatli yakunlangan.

Qayd etilishicha, ushbu shaxs firibgarlik jinoyati bilan bog‘liq ish bo‘yicha xalqaro qidiruvda bo‘lgan. Uni Zagreb shahridan olib kelishda Interpol Zagreb Milliy markaziy byurosi bilan yaqin hamjihatlik, shuningdek O‘zbekistonning Vengriyadagi konsulligi tomonidan ko‘rsatilgan amaliy yordam muhim ahamiyat kasb etgan.

Hozircha shaxsning ishi tafsilotlari (ayblov ko‘lami, zarar miqdori va boshqa joyi) ochiqlanmagan.