O‘zbekiston Prezidenti Shavkat Mirziyoyev «Biznes hamroh» yangi markazlarini tashkil etishni tasdiqladi. Ushbu markazlar «yagona darcha» tamoyili asosida faoliyat yuritadi va tadbirkorlar uchun davlat hamda xususiy xizmatlarning barchasini bir joyda taqdim etadi — biznesni ro‘yxatdan o‘tkazishdan tortib eksportga ko‘maklashishgacha.
Mazkur markazlar Savdo-sanoat palatasi huzurida tashkil etiladi. Tadbirkorlar bu yerda buxgalteriya, soliq, sertifikatlash, eksport bo‘yicha maslahatlar olishlari, shuningdek, banklar, sug‘urta kompaniyalari, brokerlar va logistika xizmatlaridan foydalanishlari mumkin.
Qulaylik uchun yagona elektron platforma va 24 soat ishlaydigan call-markaz ham ishga tushiriladi. Prezident taqdimot davomida eksport hajmini oshirish rejalari ham muhokama qilindi.
O‘zbekiston 2030 yilga borib eksport hajmini 45 milliard dollarga yetkazishni maqsad qilgan. Tahlillar shuni ko‘rsatdiki, mamlakat qurilish materiallari, to‘qimachilik, elektrotexnika, oziq-ovqat mahsulotlari, maishiy kimyo, mashinasozlik va metallurgiya mahsulotlari yetkazib berishni sezilarli darajada oshirishi mumkin.
Mehmon guruhidagi foydalanuvchilar ushbu nashrga izoh qoldira olmaydi.
