Osiyo Kubogi–2026 final bosqichiga yo‘l olgan O‘zbekiston milliy terma jamoasi bugun tunda Indoneziya poytaxti Jakarta shahriga safar qiladi. Oldinda juda mas’uliyatli va qiziqarli bellashuvlar turibdi: termamiz musobaqadagi o‘yinlarini “C” guruhida o‘tkazadi.
Guruhda raqiblar ham “sinovli paket” bo‘lib turibdi. O‘zbekiston Yaponiya — to‘rt karra Osiyo chempioni, qo‘shni Tojikiston hamda “yashil qit’a” vakili Avstraliyaga qarshi maydonga tushadi. Bu toifada har bir ochko oltinga teng — hech kim “oson o‘yin” taqdim etmaydi.
Termamiz bilan birga Jakartaga yo‘l olayotgan delegatsiya tarkibi ham ma’lum qilindi. Mutaxassislar shtabi va tibbiy guruhning to‘liq shakllantirilgani tayyorgarlik jarayoniga jiddiy yondashuv borligini ko‘rsatadi.
Osiyo Kubogi–2026 musobaqasiga yo‘l olayotgan O‘zbekiston delegatsiyasi tarkibi
- Delegatsiya rahbari — Rustam Zuparov
- Bosh murabbiy — Nodir Eliboyev
- Darvozabonlar bo‘yicha murabbiy — Vitor Vianna
- Jismoniy tayyorgarlik bo‘yicha murabbiy — Teysheyra Maurisio
- Shifokor — Laziz Teshaboyev
- Fizioterapevtlar — Rasul Dayanov, Abdurahim Sarimsoqov
- Ma’mur — Shahboz Jo‘rayev
- Xalqaro aloqalar departamenti boshlig‘i — G‘ayrat Azizxo‘djayev
- Matbuot xizmati vakili — Nodir A’zamov
Futbolchilar ro‘yxati
Darvozabonlar:
- Shavkat Ibragimov (“Oil Star”)
- Abbos Elmurodov (“BMB PFK”)
Himoyachilar:
- Ilhomjon Hamroyev (“Oil Star”)
- Sunnatilla Jo‘rayev (“Nasaf”)
- Anasxon Rahmontov (“Nasaf”)
Qanot o‘yinchilari:
- Shaxram Faxriddinov (“OKMK”)
- Xayrulla Solixov (“OKMK”)
- Samariddin Berkinov (“Oil Star”)
- Abror Axmedziyanov (“SQB”)
- Akbar Usmonov (“SQB”)
- Ixtiyor Ropiyev (“Nasaf”)
- Eldor Nig‘matov (“Lokomotiv”)
Hujumchilar:
- Muzaffar Ahadjonov (“BMB PFK”)
- Elbek To‘lqinov (“Oil Star”)
Endi e’tibor markazida bitta narsa: Jakartadagi har bir o‘yinda tartib, jipslik va ruhiy barqarorlik. Guruh qiyin, lekin shunday pallada terma jamoa haqiqiy xarakterini ko‘rsatadi. Muxlislar esa odatdagidek — ishonadi va kutyapti: natija ham, kurash ham munosib bo‘lsin.
“Zamin”ni Telegramʻda oʻqing!
