5-7 oktyabr kunlari Toshkentda “Buyuk Ipak Yo‘lida turizm” nomli 22-Toshkent Xalqaro turistik yarmarkasi tashkil etilgandi. Mazkur yarmarka doirasida Rossiyaning “NTV” telekanalining “Poedem, poedim!” dasturi ijodkorlari mamlakatimizga tashrif buyurishdi. Bu ko‘rsatuvning avvalgi soni Respublikamizning Samarqand viloyatida suratga olingan bo‘lsa, ko‘rsatuvning galdagi soni qadimiy Xiva shahriga bag‘ishlandi. Bu haqda "Qalampir.uz" yozmoqda.
“O‘zbekturizm” kompaniyasi vakillari mehmonlarning ijod qilishi uchun barcha sharoitlarni yaratib berdi. Ko‘rsatuv boshlovchisi Jon Uorrenning mualliflik dasturi bo‘lgan “Poedem, poedim!” ko‘rsatuvida ma’lum bir hudud yoki millatning oshxonasi, ya’ni milliy taomlari, noz-ne’matlari asosiy o‘rinda tursa-da, shu bilan birga tarix, madaniyat, urf-odat va an’analar, xalq ijodiyoti haqidagi tafsilotlarga ham e’tibor qaratiladi.
Facebook ijtimoiy tarmog‘ida Toshkent Xalqaro turistik yarmarkasiga tashrif buyurgan Jon Uorrenning sayohati aks etgan fotosuratlar foydaluvchilar tomonidan tarqatilmoqda. Ular faxr bilan “Mamlakatimiz haqida ko‘rsatuv tayyorlash uchun Rossiyadan kelgan mehmon tashrifi”, deya izohlar qoldirishmoqda. Dastur ijodkorlari yarmarka davomida tayyorlangan turli taomlardan ham bahramand bo‘lishgan.
Toshkentning bir qator ko‘zga ko‘ringan maskanlariga tashrif buyurgan Jon Uorren boshchiligidagi suratga olish guruhi sayohatini Xivada davom ettirdi. Asosiy tasvirga olish ishlari Xivadagi “Ichan qal’a” majmuida o‘tkazilib, ijodkorlar “Juma masjid” yodgorligi, “Pahlavon Mahmud” maqbarasi, “Muhammad Rahimxon Feruz” madrasasi, Al-Xorazmiy yodgorliklariga tashrif buyurishdi.
Bu joylarda Jon Uorren hunarmandchilik san’ati, madaniy yodgorliklar bilan tanishdi. Facebook tarmog‘i foydalanuvchilarining so‘zlariga ko‘ra, bu ko‘rsatuv shu oy so‘nggiga qadar efirga uzatiladi.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda