Bavariya Bundesliganing to‘qqizinchi turida Bayer ustidan yirik hisobda g‘alaba qozondi. Myunxendagi "Allianz Arena" stadionida bo‘lib o‘tgan o‘yinda Vensan Kompani shogirdlari o‘yin ustidan to‘liq nazorat o‘rnatib, 3:0 hisobida g‘alaba qozondi.
Hisob 25-daqiqada ochildi. Tezkor qarshi hujum natijasida Serj Gnabri darvozaning burchagiga aniq zarba yo‘lladi.
Oradan ko‘p o‘tmay, Laymerning o‘ng qanotdan uzatmasini Jekson muvaffaqiyatli yakunlab, hisobni 2:0 ko‘rinishiga keltirdi. Bayer o‘yinda o‘zini yo‘qotgandek tutdi va deyarli xavfli vaziyatlar yaratmadi.
Statistikaga ko‘ra, xG ko‘rsatkichi Bavariya uchun 1.97, Bayer uchun esa atigi 0.17 ni tashkil etdi. Shik va Xofmannning o‘yinni o‘zgartirishga bo‘lgan harakatlari samarasiz bo‘ldi.
Tanaffusga qadar Bavariya hisobni 3:0 ga yetkazdi. Uchinchi golni Bayer himoyachisi Bada o‘z darvozasiga urib qo‘ydi, u Gerreyroning pastdan uzatmasiga noto‘g‘ri oyoq qo‘ydi.
Ikkinchi bo‘limda myunxenliklar o‘yin sur’atini biroz pasaytirdi, ammo to‘pni nazorat qilishda davom etdi. Maydonga Keyn va Pavlovich tushirildi, biroq hisob o‘zgarmadi.
Bayer bir qancha o‘zgarishlar amalga oshirdi, ammo raqib darvozasiga yaqinlashishga muvaffaq bo‘lmadi.
