Jahon futbolida eng ko‘p gol urgan yulduzlardan biri — Krishtianu Ronaldu atrofida navbatdagi qizg‘in muhokamaga sabab bo‘layotgan xabar tarqadi. Portugaliyaning A Bola nashri yozishicha, hujumchi hozirgi klubidagi ichki vaziyatdan norozi va ayrim uchrashuvlarda maydonga tushishni istamayapti.
Manba ma’lumotlariga ko‘ra, Ronaldu Saudiya chempionati doirasida «An-Nasr» safida «Ar-Riyod»ga qarshi bahsda ishtirok etmasligini bildirgan.
Asosiy norozilik sabablari esa klubning qanday boshqarilayotgani va investitsiyalar masalasi bilan bog‘liq deyilmoqda. Xususan, Ronaldu Saudiya Davlat investitsiya jamg‘armasi (PIF) klub siyosatidagi qarorlardan qoniqmayotgani, jamoaga yetarlicha sarmoya kirmayotganini ta’kidlagani aytilmoqda.
Bunga qo‘shimcha ravishda, u transfer bozorida ancha faol harakat qilayotgan «Al-Hilol» bilan solishtirganda “farq juda sezilyapti” degan kayfiyatda ekani ham tilga olingan. Ya’ni, gap faqat maydonda emas — klubning “katta maqsadlar” uchun real qadam tashlashi haqida ketyapti.
Ma’lumot uchun: Ronaldu Saudiya Pro-ligasiga 2022-yil oxirida kelgan, keyin esa klub bilan shartnomasini uzaytirib, 2027-yil iyuniga qadar majburiyat olgani xabar qilingan.
Qisqasi, vaziyat “instagram storisi bilan o‘tib ketadigan” gap emas — klub ichidagi muhit to‘g‘rilanmasa, hali katta shov-shuvlar ham chiqib qolishi mumkin.
“Zamin”ni Telegramʻda oʻqing!
