Krishtianu Ronaldu murabbiy bilan kelishuvga ko'ra OFK Chempionlar ligasi 2 guruh bosqichi o'yinlarida maydonga tushmayapti. Shunga qaramay, "Al-Nasr" yetakchisiz ham natija ko'rsatishda davom etmoqda. Bu haqda euro-football.ru xabar beradi.
Saudiya klubi chorshanba kuni guruhdagi beshinchi uchrashuvini ham yutdi: Tojikistonda "Istiklol" 4:0 hisobida yirik mag'lubiyatga uchradi. Bu g'alaba "Al-Nasr"ning guruhni birinchi o'rinda yakunlab, keyingi bosqichga chiqishini ta'minladi.
O'yindan keyin Ronaldu ijtimoiy tarmoqlarda jamoasining peshqadam sifatida navbatdagi bosqichga yo'l olgani haqidagi postni repost qildi va unga ikki emoji — olov hamda olqish belgisini qo'shdi.
40 yoshli hujumchining "Al-Nasr" bilan amaldagi shartnomasi 2027 yilning o'rtalarigacha mo'ljallangan.
“Zamin”ni Telegramʻda oʻqing!
