Myunxenning «Bavariya» klubi markaziy himoyachi Dayo Upamekano bilan yangi shartnoma bo'yicha hanuz yakuniy kelishuvga erishgani yo'q. Bu haqda jurnalist Maksimilian Koh xabar berdi. Bu haqda euro-football.ru xabar beradi.
Manbaga ko'ra, muzokaralarda ikki asosiy masala muhokama qilinmoqda: yangi bitimning amal qilish muddati hamda uni muddatidan oldin bekor qilish shartlari. Tomonlar futbolchi jamoada 2030 yilgacha qoladimi yoki 2031 yilgacha — shu borada bir to'xtamga kelishga urinmoqda. Shuningdek, shartnomani erta bekor qilish bandi 2027 yildan (o'yinchi istagi) yoki 2028 yildan (klub istagi) kuchga kirishi mumkin.
Moliyaviy jihatlar esa deyarli kelishilgan: Upamekano yiliga 20 million yevro maosh olishi va shuncha miqdorda imzo bonusi berilishi ko'zda tutilgan. Muzokaralar bir oyga cho'zilganiga qaramay, himoyachining klubda qolish ehtimoli yuqori ekani aytilmoqda.
Joriy mavsumda 27 yoshli fransuz futbolchi 24 o'yinda maydonga tushdi, 1 gol urdi, 1 assist qayd etdi va 7 marta ogohlantirish oldi.
“Zamin”ni Telegramʻda oʻqing!
