“Barselona”ning sobiq yarim himoyachisi Aleksandr Gleb Viktor Gancharenko boshchiligidagi Belarus terma jamoasining kelajakdagi imkoniyatlari haqida fikr bildirdi. Bu haqda euro-football.ru xabar beradi.
Glebning aytishicha, Gancharenkoga jamoani Yevropa chempionatiga olib chiqish oson bo‘lmaydi. U terma jamoada ishlash bilan klubdagi murabbiylik mutlaqo boshqa-boshqa vazifa ekanini ta’kidladi. “Viktor Mixaylovich yangi ishda o‘zini qanday ko‘rsatishini kuzatamiz”, — dedi Gleb “RB Sport”ga.
Shu bilan birga, sobiq futbolchi qanday holat bo‘lishidan qat’i nazar, terma jamoa va murabbiylarni qo‘llab-quvvatlashini aytdi. Uning umidi — Gancharenko bilan Belarus termasi oldinga qadam tashlashi.
Belarus terma jamoasi esa yozda AQSH, Kanada va Meksikada bo‘lib o‘tadigan navbatdagi jahon chempionatiga saralashdan o‘ta olmadi.
“Zamin”ni Telegramʻda oʻqing!
