Italiya terma jamoasining sobiq futbolchisi hamda Milan safida o'ynagan Alessandro Florensi Roma va Milan o'rtasidagi durang yakunlangan uchrashuvdan keyin o'z mulohazalari bilan o'rtoqlashdi. Bu haqda euro-football.ru xabar beradi.
Florensining aytishicha, birinchi bo'limda Roma juda kuchli o'yin ko'rsatgan, biroq hisobni ocholmagan. U buni Milan darvozaboni Mayk Menyanning ishonchli harakatlari bilan izohladi. Ikkinchi taymda esa Milan odatdagidek kam imkoniyat bilan ham gol ura olishini namoyish etganini ta'kidladi.
Shuningdek, Florensi skudettoni qo'lga kiritish poygasi borasida birinchi o'rin masalasi deyarli aniqdek ko'rinishini, asosiy kurash esa ikkinchi o'rin uchun ketayotganini bildirdi.
Eslatib o'tamiz, A Seriya turnir jadvalida Inter Milan klubidan 5 ochko oldinda bormoqda.
“Zamin”ni Telegramʻda oʻqing!
