NASA 2030-yillarda Oyga kosmonavtlarni yuborishni rejalashtirmoqda. Shu sababli, kosmik stansiyalarda oziq-ovqat yetishtirish masalasi muhim ahamiyat kasb etadi. Bu haqda Ixbt.com xabar beradi.
Ostindagi Texas universiteti olimlari sun'iy oy tuprog'ida no'xat o'stirish imkoniyatini namoyish qildi.
Oy tuprog'i, ya'ni regolit o'simliklar uchun juda noqulay muhit hisoblanadi. Unda organik moddalar yo'q va zaharli og'ir metallar mavjud.
Tadqiqotchilar bu muammoni hal qilish uchun tuproqqa chuvalchang o'g'iti va maxsus zamburug'larni qo'shdi.
Tajribalar shuni ko'rsatdiki, 75 foizgacha regolit bo'lgan aralashmada no'xat hosilini olish mumkin. Zamburug'lar o'simliklarga ozuqa moddalarini o'zlashtirishga yordam beradi va og'ir metallar ta'sirini kamaytiradi.
Hozirgi vaqtda olimlar yetishtirilgan hosilning xavfsizligini o'rganmoqda. Agar natijalar ijobiy bo'lsa, kelajakda kosmonavtlar oy tuprog'ida o'z oziq-ovqatlarini yetishtirishi mumkin bo'ladi.
“Zamin”ni Telegramʻda oʻqing!
