Италия терма жамоасининг собиқ футболчиси ҳамда Милан сафида ўйнаган Алессандро Флоренси Рома ва Милан ўртасидаги дуранг якунланган учрашувдан кейин ўз мулоҳазалари билан ўртоқлашди. Бу ҳақда euro-football.ru хабар беради.
Флоренсининг айтишича, биринчи бўлимда Рома жуда кучли ўйин кўрсатган, бироқ ҳисобни очолмаган. У буни Милан дарвозабони Майк Меняннинг ишончли ҳаракатлари билан изоҳлади. Иккинчи таймда эса Милан одатдагидек кам имконият билан ҳам гол ура олишини намойиш этганини таъкидлади.
Шунингдек, Флоренси скудеттони қўлга киритиш пойгаси борасида биринчи ўрин масаласи деярли аниқдек кўринишини, асосий кураш эса иккинчи ўрин учун кетаётганини билдирди.
Эслатиб ўтамиз, А Серия турнир жадвалида Интер Милан клубидан 5 очко олдинда бормоқда.
“Zamin”ни Telegram'да ўқинг!
