Volkswagen kompaniyasi Yevropa bozori uchun yangi va hamyonbop ID. Polo avtomobilini taqdim etdi. Bu haqda Ixbt.com xabar beradi.
Bu model avvalgi an'anaviy Polo avtomobillaridan butunlay farq qiladi, chunki u to'liq elektromobil hisoblanadi.
ID. Polo modelining tayanch versiyasi 37 kVt/soat sig'imli batareya va 114 ot kuchiga ega elektr motor bilan jihozlangan.
Ushbu variant asosan shahar ichida kundalik qatnovlar uchun mo'ljallangan. Quvvatni 10 foizdan 80 foizgacha to'ldirish taxminan 27 daqiqa vaqt oladi.
Uning narxi 24 995 yevroni tashkil etadi.
Qimmatroq modifikatsiya esa 52 kVt/soat sig'imli batareya hamda 211 ot kuchiga ega dvigatelni o'z ichiga oladi. Bunday elektromobil WLTP sikli bo'yicha 454 kilometrgacha masofani bosib o'tish imkonini beradi.
Ushbu versiyaning narxi 33 795 yevro etib belgilangan.
Volkswagen xaridorlar talabini inobatga olib, sensorli boshqaruvdan qisman voz kechdi. Yangi ID.
Polo modelida iqlim nazorati, avariya ishorasi va derazalarni boshqarish uchun jismoniy tugmalar qaytarildi. Bu qadam foydalanuvchilarga qulaylik yaratish maqsadida amalga oshirildi.
“Zamin”ni Telegramʻda oʻqing!
