Mashhur sharhlovchi Konstantin Genich Madridning «Real» jamoasining joriy mavsumdagi imkoniyatlari haqida fikr bildirdi. Bu haqda euro-football.ru xabar beradi.
Genichning ta'kidlashicha, «Real» hozircha jiddiy sovrinlar uchun asosiy nomzod bo'lib ko'rinmayapti. Uning fikricha, La Ligani yutib olish ehtimoli saqlanib qolgan bo'lsa-da, Chempionlar ligasida madridliklar favoritlar qatoriga kirmaydi. U bu fikrlarini «Komment.Shou» YouTube kanalida aytib o'tdi.
Ispaniya chempionati turnir jadvalida «qirollik klubi» 51 ochko bilan ikkinchi o'rinda bormoqda. Alvaro Arbeloa boshqaruvidagi jamoa peshqadam «Barselona»dan atigi bir ochkoga ortda qolmoqda.
Keyingi uchrashuvda «qaymoqranglilar» UEFA Chempionlar ligasi umumiy bosqichining 8-turida safarda Lissabonning «Benfika»siga qarshi maydonga tushadi.
“Zamin”ni Telegramʻda oʻqing!
