Sam Kerrning Chelsi bilan amaldagi shartnomasi yakuniga yetmoqda. Olti yarim yil davomida 156 ta o‘yinda maydonga tushib, 114 ta gol urgan va 12 ta sovrinni qo‘lga kiritgan afsonaviy hujumchi uchun bu mavsum klubdagi so‘nggisi bo‘lishi mumkin. Garchi avstraliyalik futbolchi transferi haqidagi mish-mishlarni rad etgan bo‘lsa-da, tomonlar o‘rtasida yangi kelishuv imzolanmagani uning jamoani tark etish ehtimolini oshirmoqda. Bu haqda Goal.com xabar beradi.
Joriy mavsum Kerr uchun oson kechmadi. 2024-yil yanvarida olgan og‘ir jarohati (ACL) sabab uzoq vaqt maydondan chetda qolgan hujumchi, safga qaytganidan so‘ng ham Sonia Bompastorning rotatsiya tizimiga moslashishiga to‘g‘ri keldi. Shunga qaramay, u Chempionlar ligasi va Angliya kubogi doirasidagi muhim bahslarda o‘zining yuqori saviyasini namoyish etishda davom etdi.
Oldinda Chelsi uchun mavsumning hal qiluvchi pallasi turibdi. Yakshanba kuni jamoa Angliya kubogi yarim finalida Manchester Siti bilan to‘qnash keladi. Agar bu Kerrning Chelsi libosidagi so‘nggi o‘yinlaridan biri bo‘lsa, u o‘z faoliyatini yana bir yirik sovrin bilan yakunlash uchun bor kuchini ishga solishi shubhasiz.
“Zamin”ni Telegramʻda oʻqing!
