Avval futbolchi bo'lgan Andrey Kanchelskis Rossiya terma jamoasining yaqin kelajagi haqida fikr bildirdi. Uning aytishicha, yaqin vaqt ichida rossiyaliklarning Yevropa terma jamoalari bilan maydonga tushishi qiyin. Bu haqda euro-football.ru xabar beradi.
“Hozircha hech kim Rossiya terma jamoasiga qarshi o'ynashni xohlamayapti. 2026 yilda ham rossiyaliklar yevropaliklar bilan uchrashishi ehtimoldan yiroq. Shunga qaramay, RFU boshqa federatsiyalar bilan muzokaralarni davom ettirishi kerak”, — deya Kanchelskisning so'zlarini Metaratings keltiradi.
Shu bilan birga, Kanchelskis o'rtoqlik o'yinlari masalasida faqat terma jamoalar doirasida cheklanib qolmaslikni ham taklif qildi. “Manchester Yunayted”ning sobiq futbolchisiga ko'ra, Rossiya terma jamoasi Lotin Amerikasidagi kuchli klublardan biriga qarshi ham o'ynab ko'rishi mumkin.
Eslatib o'tamiz, UYEFA va FIFA tomonidan RFUga nisbatan joriy qilingan sanksiyalar qariyb to'rt yildan beri amalda.
“Zamin”ni Telegramʻda oʻqing!
