Madridning «Real» klubiga tegishli hujumchi Endrik hozirda ijara asosida «Lion» safida yorqin o'yin ko'rsatmoqda. Bu haqda euro-football.ru xabar beradi.
19 yoshli futbolchi fransuz jamoasidagi dastlabki uch uchrashuvda 4 ta gol urib, yana 1 ta assist qayd etdi. Liga 1 doirasida «Mets»ga qarshi so'nggi bahsda braziliyalik hujumchi xet-trik ham rasmiylashtirdi.
Jurnalist Fabritsio Romanoning ma'lumotiga ko'ra, «Real»ning pozitsiyasi aniq: klub Endrikni o'z rejalarida ushlab turibdi va qaytganidan keyin Madridda o'zini ko'rsatish uchun imkon beradi. «Lion» ijara muddatini uzaytirishga urinishi mumkin, biroq «qirollik klubi» rahbariyati iste'dodli forvardni jamoaga qaytarishni rejalashtirmoqda.
Endrikning Ispaniya grandi bilan shartnomasi 2030 yil o'rtalarigacha amal qiladi.
“Zamin”ni Telegramʻda oʻqing!
