Hujumkor qanot futbolchisi Denis Makarov Turkiyaning "Kayserispor" klubiga qanday kelib qolgani haqida gapirib berdi. Bu haqda euro-football.ru xabar beradi.
Futbolchining aytishicha, u qishki yig‘inlar boshlanishidan oldinroq narsalarini yig‘ib qo‘ygan, chunki tez orada boshqa jamoaga ketishini sezib turgan.
"Yig‘inga keldim, oradan ikki kun o‘tib agentim Aleksey qo‘ng‘iroq qildi va: ‘Turkiyadan variant bor. Xohlaysanmi?’ dedi. Men esa: ‘Albatta, ha’, deb javob berdim. Chunki bu yangi chempionat, yangi hissiyotlar", — deya Makarovning so‘zlarini "Chempionat" nashri keltirdi.
Makarovning ta’kidlashicha, "Kayserispor" bosh murabbiyi va sport direktori bilan bo‘lgan suhbatdan so‘ng tomonlar hamkorlik bo‘yicha umumiy kelishuvga kelgan va masala tezda hal bo‘lgan.
27 yoshli, avval "Dinamo" safida o‘ynagan vinger Turkiya klubi bilan yarim yillik shartnoma imzoladi. Kelishuvda uni uzaytirish bo‘yicha band nazarda tutilmagan.
“Zamin”ni Telegramʻda oʻqing!
