PSJ hujumchisi Usman Dembele faoliyatini Saudiya Arabistoni chempionatida davom ettirishi mumkin. Sky Sports xabariga ko'ra, bu yo'nalishda muzokaralar fonida ilk qadamlar tashlangan. Bu haqda euro-football.ru xabar beradi.
Manbaga ko'ra, mahalliy shayxlar yozgi transfer oynasida “Oltin to'p” sohibini olib kelish ustida ishlashni boshlab yuborgan. Ehtimoliy kelishuv narxi hozircha oshkor etilmadi, shuningdek, Dembele qaysi saudiyalik top-klub nishonida ekani ham noma'lum.
Avvalroq Dembele PSJ bilan shartnomani uzaytirish uchun juda katta maosh talab qilayotgani haqida ma'lumotlar tarqalgan edi. Biroq parijliklar prezidenti jamoaning eng yulduz futbolchisi bo'lsa ham, klubdagi belgilangan maosh limiti oshirilmasligini aniq bildirib o'tgan.
Transfermarkt ma'lumotiga ko'ra, 28 yoshli Dembele hozirda 100 million yevroga baholanmoqda.
“Zamin”ni Telegramʻda oʻqing!
