Ommaviy axborot vositalarining xabar berishicha, Koul Palmer "Manchester Yunayted" safiga o'tishi mumkin.
Koul Palmerning "Manchester Yunayted"ga o'tishi haqidagi mish-mishlar ko'paymoqda. Sobiq futbolchi Jo Koulning ta'kidlashicha, yosh yulduzning "Chelsi"dan ketishi jamoaning Chempionlar ligasiga yo'llanma olishiga bevosita bog'liq.
"Chelsi" joriy mavsumda Chempionlar ligasi yo'llanmasini qo'lga kirita olmasa, bu klub uchun jiddiy oqibatlarga olib kelishi mumkin. Xususan, Enso Fernandes ham kelajakda Madridga ko'chib o'tish istagini yashirmayapti.
23 yoshli Palmer esa o'zining ona shahri Manchesterga qaytishni rejalashtirayotgani aytilmoqda.
Palmer "Man Siti" akademiyasida tarbiyalangan bo'lsa-da, bolaligidan "Manchester Yunayted" muxlisi bo'lgan. "Chelsi" o'zining asosiy yulduziga aylangan futbolchini osonlikcha qo'yib yubormasligi aniq va uning transferi uchun katta mablag' talab qiladi.
Jo Koul bu borada shunday dedi: "Biz uning "Chelsi"da qolishini xohlaymiz. Ammo klub futbolchilarga kerakli darajani taqdim eta olmasa, ularning fikri o'zgarishi tabiiy.
Palmer yuqori darajada o'ynashni istaydi, shuning uchun hammasi Chempionlar ligasiga bog'liq".
Angliya terma jamoasining 2026-yilgi Jahon chempionati qaydnomasidan joy olishi kutilayotgan Palmer "Chelsi" bilan 2033-yilgacha shartnoma imzolagan. U London klubi safida 126 ta o'yinda 53 ta gol urishga erishdi.
“Zamin”ni Telegramʻda oʻqing!
