SSSR terma jamoasining sobiq darvozaboni Aleksandr Uvarov yaqin yillarda Rossiya va Isroil terma jamoalari o‘rtasida o‘rtoqlik uchrashuvi o‘tkazilishi mumkinligini ta’kidladi. Hozirda u Tel-Avivning «Makkabi» klubi yoshlar jamoasida darvozabonlar murabbiyi sifatida faoliyat yuritmoqda. Bu haqda euro-football.ru xabar beradi.
Uvarovning fikricha, bunday o‘yin o‘tkazilishiga jiddiy to‘siqlar yo‘q. Metaratings nashriga ko‘ra, u 2026 yilda Rossiya tomoni tashabbus ko‘rsatsa, Rossiya–Isroil uchrashuvini ko‘rishimiz mumkinligini aytgan.
Shuningdek, Uvarov Rossiya va Isroil futbol federatsiyalari o‘rtasidagi aloqalar yaxshi darajada ekanini ham qayd etdi.
Ma’lumki, Rossiya terma jamoasi sanksiyalar sharoitida hozircha faqat o‘rtoqlik uchrashuvlari o‘tkazmoqda. Mart oyidagi navbatdagi yig‘in uchun raqiblar hozircha e’lon qilinmagan.
“Zamin”ni Telegramʻda oʻqing!
