Barselona kelasi mavsumda hujum chizigʻini kuchaytirish maqsadida yangi hujumchi izlash ishlarini jadallashtirdi. Kataloniyaliklar klubi Robert Lewandowski Saudiya Arabistonining Al-Hilal jamoasiga oʻtib ketishi kutilayotgani sababli, uning oʻrniga Chelsi vakili Joao Pedroni asosiy nomzod sifatida koʻrmoqda. Bu haqda Goal.com xabar beradi.
Polshalik tajribali hujumchining ketishi deyarli aniq boʻlib turibdi. Barselona sport direktori Deco yosh va dinamik hujumchi qidirmoqda. Globo xabariga koʻra, Joao Pedro roʻyxatning eng yuqori qismida joy olgan, shuningdek, Atletiko Madrid hujumchisi Julian Alvarez ham variantlar qatorida turibdi.
Joao Pedro uchun transfer narxi 100 million yevrogacha yetishi mumkin. Chelsi oʻzining 24 yoshli hujumchisini osonlikcha qoʻyib yubormoqchi emas, chunki u joriy mavsumda 51 ta oʻyinda 23 ta gol urib, jamoaning asosiy figurasiga aylandi.
Barselona uchun Chelsi Chempionlar ligasiga chiqa olmagani muzokaralarda ustunlik berishi mumkin. Kataloniyaliklar futbolchi bilan kelishuvni Jahon chempionati boshlanguniga qadar yakunlashni rejalashtirmoqda.
“Zamin”ni Telegramʻda oʻqing!
