Sunʼiy intellekt sohasidagi taniqli mutaxassis Richard Socher yangi Recursive Superintelligence startapini ishga tushirdi. San-Frantsiskoda joylashgan ushbu loyiha 650 million dollar sarmoya jalb qilib, oʻz faoliyatini rasman eʼlon qildi. Jamoa tarkibidan Peter Norvig va Cresta asoschisi Tim Shi kabi nufuzli tadqiqotchilar oʻrin olgan. Bu haqda Techcrunch.com xabar beradi.
Loyiha doirasida mutaxassislar oʻzini oʻzi takomillashtiruvchi sunʼiy intellekt modelini yaratish ustida ishlamoqda. Bunday tizim inson aralashuvisiz oʻzining zaif tomonlarini aniqlay oladi va ularni bartaraf etish uchun qayta loyihalanadi. Bu zamonaviy texnologiyalar olamidagi eng katta maqsadlardan biri hisoblanadi.
Richard Socherning taʼkidlashicha, ularning yondashuvi shunchaki avtomatlashtirilgan tadqiqot emas, balki haqiqiy rekursiv oʻzini oʻzi rivojlantirish jarayonidir. Tizim gʻoyalarni shakllantirish, ularni amalga oshirish va tekshirish bosqichlarini toʻliq avtomatlashtirishga qaratilgan.
Loyihaning texnik asosi "open-endedness" (cheksiz rivojlanish) kontseptsiyasiga tayanadi. Jamoa aʼzosi Tim Rocktäschel Google DeepMind kompaniyasida ishlagan davrida ushbu yoʻnalishda, xususan, Genie 3 modeli ustida katta tajriba toʻplagan. Bu texnologiya sunʼiy intellektga oʻzining kamchiliklarini anglash va yangi darajaga koʻtarilish imkonini beradi.
“Zamin”ni Telegramʻda oʻqing!
