«Arsenal» yarim himoyachisi Mikel Merino oyog‘idagi jiddiy jarohatdan so‘ng jarrohlik amaliyotini boshdan kechirdi. Futbolchi shifoxona palatasidan olingan suratni ijtimoiy tarmoqlarda ulashib, holati haqida qisqa izoh qoldirdi. Bu haqda euro-football.ru xabar beradi.
Merinoning aytishicha, operatsiya muvaffaqiyatli yakunlangan. U qaytish sari yana bir qadam tashlaganini ta’kidladi va qo‘llab-quvvatlov xabarlari uchun barchaga minnatdorlik bildirdi: bu unga tiklanish jarayonida yanada ko‘proq kuch berayotganini yozdi.
2025/2026 yilgi mavsumda Merino 33 uchrashuvda maydonga tushib, 6 gol urdi va 3 bor jamoadoshlariga golli uzatma berdi.
«Arsenal» APLda peshqadamlik qilmoqda va klub 2004 yildan beri ilk bor Angliya chempioni bo‘lishni maqsad qilgan.
“Zamin”ni Telegramʻda oʻqing!
