SSSR terma jamoasining sobiq darvozaboni Aleksandr Uvarov Rossiya va Isroil terma jamoalari o‘rtasida yaqin yillarda o‘rtoqlik uchrashuvi bo‘lib o‘tishi mumkinligini aytdi. Hozirda u Tel-Avivning «Makkabi» klubi yoshlar jamoasida darvozabonlar murabbiyi sifatida ishlamoqda. Bu haqda euro-football.ru xabar beradi.
Uvarovning fikricha, bunday o‘yin uchun jiddiy to‘siqlar yo‘q. «Agar Rossiya tomoni tashabbus ko‘rsatsa, 2026 yilda Rossiya va Isroil terma jamoalari bahsini ko‘rishimiz mumkin», — deya uning so‘zlarini Metaratings keltirdi.
Shuningdek, Uvarov Rossiya va Isroil futbol federatsiyalari o‘rtasidagi aloqalar ijobiy ekanini ham ta’kidladi.
Eslatib o‘tamiz, sanksiyalar sharoitida Rossiya terma jamoasi faqat o‘rtoqlik uchrashuvlarini o‘tkazmoqda. Mart oyidagi navbatdagi yig‘in uchun raqiblar hozircha e’lon qilinmagan.
“Zamin”ni Telegramʻda oʻqing!
