Chempionlar ligasida umumiy bosqich yakuniga yetdi. Endi navbat pley-offga: 16 jamoa stykov raundda to'qnash kelib, 1/8 final uchun sakkizta yo'llanmani o'ynab beradi. Umumiy bosqichning eng yaxshi sakkiz jamoasi esa allaqachon 1/8 finalga to'g'ridan-to'g'ri yo'l oldi. Bu haqda euro-football.ru xabar beradi.
Shu orada UEFA Chempionlar ligasi finalida ishlatiladigan rasmiy to'pni namoyish qildi. To'p qoramtir ranglarda bezatilgan bo'lib, unda oq yulduzlar tasviri bor. Uni Adidas kompaniyasi ishlab chiqargan.
2025/2026 yilgi mavsum Chempionlar ligasi finali Budapeshtda o'tkaziladi. «Quloqli» sovrin uchun hal qiluvchi bahs shanba kuni, 30 may sanasida bo'lib o'tadi.
Hozirgi chempion — «PSJ». O'tgan finalda parijliklar «Inter»ga imkon qoldirmay, 5:0 hisobida zafar quchgandi.
“Zamin”ni Telegramʻda oʻqing!
