Turinning “Yuventus” klubi va Italiya terma jamoasining sobiq darvozaboni Janluiji Buffon hozirgi paytdagi eng istiqbolli italiyalik futbolchi kimligini aytdi. Uning fikricha, bu — “Inter” hujumchisi Pio Espozito. Bu haqda euro-football.ru xabar beradi.
Buffon yosh futbolchi yaqin kelajakda katta sahnada o‘zini ko‘rsatishiga ishonmoqda va u jahon chempionatidayoq porlashi mumkinligini ta’kidladi.
“Espozitoni shaxsan kuzatganman va u menda juda katta taassurot qoldirdi. U kamtar va professional, motivatsiyaga to‘la, doimo ishtiyoq bilan o‘ynaydi. Men uni Italiya terma jamoasining jahon chempionati tarkibiga hech ikkilanmasdan olgan bo‘lardim”, — deya Buffonning so‘zlarini calcionapoli1926.it keltirdi.
Eslatib o‘tamiz, “Inter” ayni paytda Italiya chempionati turnir jadvalida peshqadam bo‘lib turibdi.
“Zamin”ni Telegramʻda oʻqing!
