Dayo Upamekanoning kelajagi borasidagi gap-so‘zlarga nuqta qo‘yildi — “Bavariya” himoyachi bilan shartnomani uzaytirganini rasman ma’lum qildi. 27 yoshli futbolchi yangi bitimga imzo chekkanidan so‘ng klub matbuotiga fikr bildirdi. Bu haqda euro-football.ru xabar beradi.
“Bavariyada qolayotganimdan juda xursandman va bu jamoa safida o‘ynashda davom etaman. Tarkibimiz zo‘r, murabbiyimiz ham a’lo — birgalikda katta maqsadlar qo‘yganmiz. Hayotda hammasini mentalitet hal qiladi: har bir mashg‘ulotda jamoadoshlarim uchun borimni beraman, har o‘yinda darvozamiz daxlsiz bo‘lishini xohlayman va “Bavariya” bilan imkon qadar ko‘proq sovrin yutishni istayman”, — deya Upamekanoning so‘zlarini Myunxen klubi sayti keltirdi.
Endi Upamekanoning “Bavariya” bilan amaldagi shartnomasi 2030 yil yozigacha mo‘ljallangan.
Shanba kuni “Bavariya” safarda “Verder”ga qarshi maydonga tushadi.
“Zamin”ni Telegramʻda oʻqing!
