«Lokomotiv»ning sobiq prezidenti Nikolay Naumov «Monako» yarim himoyachisi Aleksandr Golovin «PSJ»ga qarshi uchrashuvda qizil kartochka olgani haqida fikr bildirdi. Bu haqda euro-football.ru xabar beradi.
Eslatib o‘tamiz, Chempionlar ligasi doirasidagi bahsda rossiyalik futbolist ikkinchi bo‘lim boshlarida to‘g‘ridan-to‘g‘ri maydondan chetlatildi. Avvalroq u «Nant»ga qarshi o‘yinda ham qizil kartochka olgandi.
Naumovning aytishicha, Golovinning maydondagi roli va agressivroq o‘yin uslubi bunday vaziyatlarga olib kelishi tabiiy. U bu holatda fojea ko‘rmayotganini, futbolchi ko‘p «qora ish»ni bajarishi sababli xavfli epizodlarga tez-tez kirishishini ta’kidladi.
29 yoshli Golovin 2018 yildan beri «Monako» sharafini himoya qiladi — u CSKAdan ko‘chib o‘tgandi. Shu vaqt ichida klub safida 258 ta o‘yinda maydonga tushib, 36 ta gol urdi va hamkorlariga 45 ta golli pas uzatdi.
“Zamin”ni Telegramʻda oʻqing!
