«Локомотив»нинг собиқ президенти Николай Наумов «Монако» ярим ҳимоячиси Александр Головин «ПСЖ»га қарши учрашувда қизил карточка олгани ҳақида фикр билдирди. Бу ҳақда euro-football.ru хабар беради.
Эслатиб ўтамиз, Чемпионлар лигаси доирасидаги баҳсда россиялик футболчи иккинчи бўлим бошларида тўғридан-тўғри майдондон четлатилди. Аввалроқ у «Нант»га қарши ўйинда ҳам қизил карточка олганди.
Наумовнинг айтишича, Головиннинг майдондаги роли ва агрессивроқ ўйин услуби бундай вазиятларга олиб келиши табиий. У бу ҳолатда фожеа кўрмаётганини, футболчи кўп «қора иш»ни бажариши сабабли хавфли эпизодларга тез-тез киришишини таъкидлади.
29 ёшли Головин 2018 йилдан бери «Монако» шарафини ҳимоя қилади — у ЦСКАдан кўчиб ўтганди. Шу вақт ичида клуб сафида 258 та ўйинда майдонга тушиб, 36 та гол урди ва ҳамкорларига 45 та голли пас узатди.
“Zamin”ни Telegram'да ўқинг!
