DeepSeek kompaniyasi o'zining yangi sun'iy intellekt modelini 75 foizli chegirma bilan taqdim etdi
Xitoyning DeepSeek kompaniyasi o'zining yangi DeepSeek-V4-Pro sun'iy intellekt modeli uchun ishlab chiquvchilarga 5-mayga qadar 75 foizli chegirma e'lon qildi. Huawei tizimlari uchun optimallashtirilgan ushbu model ochiq kodli ishlanmalar orasida yuqori natija ko'rsatib, samaradorlik bo'yicha faqat Google Gemini-Pro-3.1 modelidan ortda qolmoqda. Kompaniya API xizmatlari narxini sezilarli darajada pasaytirgan bo'lsa-da, AQSh Davlat departamenti ushbu startapni intellektual mulk o'g'irligi ehtimoli haqida ogohlantirgan.
Xitoyning "DeepSeek" kompaniyasi o'zining yaqinda taqdim etilgan "DeepSeek-V4-Pro" sun'iy intellekt modeli uchun ishlab chiquvchilarga 75 foizlik chegirma taklif qilmoqda. Ushbu aksiya 5-mayga qadar davom etishi belgilangan. Bu haqda Ixbt.com xabar beradi.
Kompaniya, shuningdek, barcha API modellari uchun kirish ma'lumotlarini keshlashtirish narxini birdaniga 10 baravarga pasaytirdi. O'tgan juma kuni taqdim etilgan "V4" modeli "Huawei" tizimlari uchun moslashtirilgan bo'lib, uning kuchli "Pro" va yengil "Flash" versiyalari chiqarilgan.
O'tkazilgan test sinovlarida "Pro" versiyasi ochiq kodli modellar orasida yuqori natija ko'rsatib, faqat "Google Gemini-Pro-3.1" modelidan ortda qolgan. Startap ma'lumotlariga ko'ra, yangi modellar murakkab vazifalarni bajaruvchi sun'iy intellekt agentlari bilan ishlash uchun juda qulaydir.
Shu bilan birga, AQSh Davlat departamenti Xitoy kompaniyalari, jumladan, "DeepSeek" tomonidan Amerika laboratoriyalaridan intellektual mulkni o'g'irlashga urinishlar bo'layotgani haqida ogohlantirish bilan chiqqan edi.
Izohlar 0
…