Argentina Futbol Assotsiatsiyasi (AFA) prezidenti Klaudio Tapia ijtimoiy badallar to‘lanmagani yuzasidan ochilgan ish doirasida prokuraturaga so‘roqqa chaqirildi. Bu haqda euro-football.ru xabar beradi.
Ushbu ishda AFA g‘aznachisi Pablo Tovigino ham gumondor sifatida qayd etilgan. Huquq-tartibot organlari Tapia va Toviginoga tergov yakunlanguncha mamlakatni tark etishni taqiqladi.
So‘roq 5 mart kuni bo‘lib o‘tishi belgilangan. Tergov ma’lumotiga ko‘ra, davlat byudjeti AFA tomonidan to‘lanishi kerak bo‘lgan ijtimoiy ajratmalar bo‘yicha 13 mln dollarni kam olgan.
Shuningdek, Tapia mulkida qayd etilgan, 10 gektarlik maydonda joylashgan va vertolyot qo‘nish maydonchasiga ega qarorgoh ham tergov e’tiboriga tushgan.
Prokuratura alohida tarzda futbolchilarga berilgan bonuslar miqdoriga ham qiziqish bildirmoqda: taxminlarga ko‘ra, bu to‘lovlar Tapianing dunyo bo‘ylab parvoz xarajatlaridan ham past bo‘lgan.
“Zamin”ni Telegramʻda oʻqing!
