Urugvaylik hujumchi Edinson Kavani “Boka Xuniors”ni tark etishi mumkin. Gap uning o‘zi ketishni xohlashida emas, balki klub atrofidagi bosim kuchayib borayotganida. Muxlislar Kavanining o‘yinidan tobora ko‘proq norozi bo‘lmoqda va stadionda hushtakbozlik ko‘paydi. Bu haqda euro-football.ru xabar beradi.
So‘nggi uchrashuvda Kavani almashtirilgan paytda ham shunday holat kuzatildi: tajribali forvard maydonni tark etar ekan, tribunalar keskin hushtaklar bilan kuzatdi. Biroq bu o‘zgarish ham foyda bermadi — “Boka” “Platense”ga qarshi bahsda gol ura olmadi va o‘yin 0:0 hisobida yakunlandi.
Shundan so‘ng Argentina OAV Kavanining shartnomasini uzaytirish masalasiga nihoyatda ehtiyotkor yondashmoqda. Vaziyatni yanada murakkablashtirayotgan omillardan biri — klubning paragaylik Adam Bareyroni transfer qilgani. Ko‘pchilik aynan u 39 yoshli veteran o‘rnini bosib, asosiy tarkibda Kavani uchun raqobatni keskin kuchaytirishini kutmoqda.
“Zamin”ni Telegramʻda oʻqing!
