«Liverpul»ning sobiq himoyachisi, hozirda teleekspert sifatida faoliyat yuritayotgan Jeymi Karrager «Arsenal»ning shved markaziy hujumchisi Viktor Dyo'keresh haqida o'z fikrini bildirdi. Bu haqda euro-football.ru xabar beradi.
Karragerning ta'kidlashicha, u Dyo'kereshni jahon darajasidagi forvard deb hisoblamaydi va yaqin mavsumlar uchun «kanonirlar»ga eng to'g'ri tanlov sifatida ko'rmaydi. Shunga qaramay, u futbolchining ruhiy tayyorgarligi va o'ziga ishonchini yuqori baholadi: Dyo'keresh to'pni qabul qilib, vaziyatdan gol yasay oladigan futbolchi ekani, hatto ayrim jihatlarda Alan Shirerga o'xshashligi qayd etildi.
Joriy mavsumda skandinaviyalik hujumchi 15 ta gol urdi va 2 ta golli uzatma muallifi bo'ldi. U «Arsenal» tarkibida «gol+pas» ko'rsatkichi bo'yicha eng yaxshi natijaga ega.
“Zamin”ni Telegramʻda oʻqing!
