Italiya terma jamoasining sobiq darvozaboni Janluiji Buffon «Inter»ning yosh hujumchisi Franchesko Pio Espozito haqida gapirib, uning salohiyati ko‘pchilik kutganidan ham yuqori ekanini ta’kidladi. Bu haqda euro-football.ru xabar beradi.
«U sizning barcha kutganingizdan ham oshib tushadi. Agar men “Inter”da bo‘lganimda, tavakkal qilib, unga ishonch bildirardim. U alohida yigit — o‘ta kamtar, haqiqiy professional», — deya Buffonning so‘zlarini Nerazzurri Society keltirdi.
Eslatib o‘tamiz, Espozito «Inter» akademiyasi tarbiyalanuvchisi. Joriy mavsumda 20 yoshli forvard barcha turnirlarni qo‘shib hisoblaganda 35 ta uchrashuvda maydonga tushib, 7 ta gol urdi va 6 ta golli uzatmani amalga oshirdi.
Espozitoning «Inter» bilan amaldagi shartnomasi 2030 yilning o‘rtalarigacha mo‘ljallangan.
“Zamin”ni Telegramʻda oʻqing!
