Andijonda "Haj" ziyorati uchun 18 ming dollar talab qilgan firibgar fosh etildi
Andijon viloyatida ikki fuqaroni "Haj" ziyoratiga yuborishni va'da qilib, evaziga 18 ming dollar talab qilgan firibgar qo'lga olindi. Huquqni muhofaza qiluvchi organlar tomonidan o'tkazilgan tezkor tadbirda fuqaro M.Ch. so'ralgan mablag'ning yarmini olayotgan vaqtda ashyoviy dalillar bilan ushlangan. Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo'zg'atilib, hozirda tergov harakatlari davom ettirilmoqda.
Andijon viloyatida "Haj" ziyoratini tashkil qilib berishni vaʼda qilgan shaxs huquqni muhofaza qiluvchi organlar tomonidan qoʻlga olindi.
Bosh prokuratura huzuridagi Departament hamda boshqa idoralar xodimlari hamkorligida oʻtkazilgan tezkor tadbir davomida mazkur holat fosh etildi.
Maʼlum boʻlishicha, fuqaro M.Ch. ikki nafar shaxsni Saudiya Arabistoniga haj safariga yuborishini aytgan va bu xizmat uchun 18 ming AQSH dollari talab qilgan.
U kelishilgan mablagʻning yarmi — 9 ming dollarini olgan paytda ashyoviy dalillar bilan ushlangan.
Holat yuzasidan unga nisbatan Jinoyat kodeksining 168-moddasi (firibgarlik) asosida jinoyat ishi qoʻzgʻatilib, tergov ishlari davom ettirilmoqda.
Izohlar 0
…