“Manchester Siti” bosh murabbiyi Xosep Gvardiola Chempionlar ligasidagi raqobat haqida fikr bildirdi. Bu haqda euro-football.ru xabar beradi.
“Shaharliklar” 1/8 final bosqichida yana Madridning “Real” jamoasiga qarshi maydonga tushadi.
“Chempionlar ligasi juda murakkab. Istalgan jamoani ayting — har birining kuchli tomoni bor. Bu musobaqada uzoqqa borishni istasangiz, eng kuchlilarni yengishingiz kerak. Aks holda, bunga loyiq emassiz”, — dedi ispan mutaxassisi matbuot anjumanida.
O'tgan mavsumda “Manchester Siti” eng nufuzli Yevrokubokdagi ishtirokini aynan “Real”ga yutqazib yakunlagan, to'qnashuv pley-offning saralash bosqichidayoq ro'y bergandi. Joriy mavsumda jamoalar umumiy bosqichda ham uchrashib, o'shanda ingliz grandi 2:1 hisobida ustun kelgandi.
“Zamin”ni Telegramʻda oʻqing!
