Saudiya Arabistoni chempionatida «Al-Hilol» hanuz mag'lubiyat ko'rmagan bo'lsa-da, so'nggi turlardagi ketma-ket duranglar jamoani turnir jadvalida uchinchi pog'onaga tushirib yubordi. La Repubblica xabariga ko'ra, mamlakatda bosh murabbiy Simone Indzagini iste'foga chiqarish ehtimoli haqida gap-so'zlar kuchaydi, klub muxlislari orasida ham italiyalik mutaxassisga qarshi kayfiyat bor. Bu haqda euro-football.ru xabar beradi.
Biroq Indzagining o'zi vaziyatni og'irlashtirmayapti: u o'zini ishonchli tutmoqda. Murabbiy bilan tuzilgan shartnoma 2027 yil o'rtalarigacha amal qiladi va uni muddatidan oldin bekor qilish katta kompensatsiya to'lanishini nazarda tutadi.
Qayd etilishicha, Simone Indzagi maoshi bo'yicha dunyodagi ikkinchi eng ko'p haq oladigan murabbiy hisoblanadi — undan faqat Diego Simeone oldinda. Indzagining yillik maoshi 26 million yevroni tashkil qiladi.
“Zamin”ni Telegramʻda oʻqing!
