2009 yil oktyabrida Qozonning «Rubin» klubi Chempionlar ligasida tarixiy sensatsiya yaratib, «Kamp Nou»da «Barselona»ni 2:1 hisobida mag'lub etgandi. O'sha jamoaning sobiq futbolchisi Kristian Noboa o'sha g'alaba uchun berilgan mukofot pullarini eslab o'tdi. Bu haqda euro-football.ru xabar beradi.
Noboaning so'zlariga ko'ra, bu uning faoliyatidagi eng katta premiyalar bo'lgan: har bir futbolchi 80 ming dollar olgan. Bu haqda u «Sport-Ekspress»ga bergan izohida aytib o'tgan.
Yarim himoyachi olingan mablag'ni darhol sarflamaganini, aksincha, jamg'arganini ta'kidladi — o'sha paytdayoq hisob-kitobni biladigan yigit bo'lganini qo'shimcha qildi.
Eslatib o'tamiz, 2009/2010 yilgi Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqoriroq pog'onalarda yakunlagan bo'lsa, Kiyevning «Dinamo»si ortda qolgan.
“Zamin”ni Telegramʻda oʻqing!
