Marcus Rashford Barselona safida ajoyib mavsumni o‘tkazdi va jamoaning La Liga chempionligini qo‘lga kiritishida asosiy rol o‘ynadi. Manchester Yunayteddan ijaraga olingan hujumchi Kataloniya klubida o‘zini butunlay qayta kashf etdi. Garchi Barselona futbolchini 30 million funt sterling evaziga to‘liq sotib olish huquqiga ega bo‘lsa-da, klub rahbariyati hali yakuniy qarorga kelgani yo‘q. Bu haqda Goal.com xabar beradi.
Ronald Kuman ushbu vaziyatga munosabat bildirib, Barselona rahbariyatini ikkilanmaslikka chaqirdi. Uning fikricha, Rashford kabi tajribali va yuqori saviyadagi o‘yinchini 30 million funtga sotib olmaslik katta xato bo‘ladi. Kuman ayniqsa, hujumchining Real Madridga qarshi o‘yinlardagi harakatlarini alohida ta’kidlab, u raqib himoyasini butunlay yakson qilganini aytdi.
El Klasikodagi goli haqida gapirgan Rashford esa bu vaziyat tasodif bo‘lganini tan oldi. U dastlab darvozaga zarba berishni rejalashtirmaganini, biroq jamoadoshlarining qistovi bilan to‘pni darvozaga yo‘llaganini va yakunda chiroyli gol urilganini qayd etdi. Hozirda Barselona rahbariyati transfer narxini tushirishga urinayotgan bo‘lsa-da, mutaxassislar bu borada tezroq qaror qabul qilish kerakligini ta’kidlashmoqda.
“Zamin”ni Telegramʻda oʻqing!
