Barselona klubiga qarshi kechgan El-Klasikodagi mag‘lubiyatdan so‘ng, Real Madrid klubi o‘zining rasmiy telekanali orqali Ispaniya chempionati va hakamlar tizimiga qarshi keskin bayonotlar bilan chiqdi. Madridliklar jamoasi mag‘lubiyatni sportdagi tengsizlik bilan emas, balki tizimli adolatsizlik va manipulyatsiya bilan izohlamoqda. Bu haqda Goal.com xabar beradi.
Bahsli vaziyatlardan biri 55-daqiqada Eric García va Jud Bellingem o‘rtasidagi to‘qnashuv bo‘ldi. Real Madrid TV ekspertlari ushbu epizodda penalti belgilanishi va Eric García maydondan chetlatilishi kerakligini ta’kidlab, VAR tizimining harakatsizligini qoraladi. Kanal sharhlovchilari VAR faqat Real Madrid zarariga ishlayotganini va ataylab qarorlar qabul qilinayotganini iddao qildi.
Shuningdek, telekanal translyatsiya rejissyorlarini ham ayblab chiqdi. Ularning so‘zlariga ko‘ra, Dani Olmo ishtirokidagi vaziyatlar kabi muhim epizodlar tomoshabinlardan ataylab yashirilgan. Madridliklar klubi ushbu holatlarni Ispaniya futbolidagi ataylab uyushtirilgan ssenariy deb atamoqda.
“Zamin”ni Telegramʻda oʻqing!
