Jose Mourinho Real Madrid klubi unga qiziqish bildirayotgani haqidagi mish-mishlarni rasman tasdiqladi. Portugaliyalik mutaxassis Benfica jamoasining mavsumdagi so‘nggi o‘yinidan so‘ng o‘tkazilgan matbuot anjumanida bu borada muzokaralar ketayotganini, ammo hozircha bevosita jarayonda ishtirok etmayotganini ma’lum qildi. Bu haqda Goal.com xabar beradi.
Hozirgi murabbiy Álvaro Arbeloa jamoa bilan kutilgan natijalarni qayd eta olmayapti va mavsum yakunida iste’foga chiqarilishi kutilmoqda. Mourinho 63 yoshda bo‘lishiga qaramay, Madrid klubi rahbariyati uchun asosiy nomzod bo‘lib turibdi. Uning Benfica bilan 2027-yilgacha mo‘ljallangan shartnomasida 3 million yevrolik tovon puli mavjud.
Mourinho jamoada intizomni tiklash va yulduzli tarkibni birlashtirish uchun asosiy nomzod sifatida ko‘rilmoqda. Ayniqsa, Aurelien Tchouameni va Federico Valverde o‘rtasidagi mojaro kabi holatlar jamoa ichidagi muhit yomonlashganidan dalolat beradi. "The Special One" laqabli murabbiy klubga qaytish uchun "to‘liq nazorat" va transferlar masalasida hal qiluvchi ovozga ega bo‘lish kabi ikkita asosiy shartni qo‘ymoqda.
“Zamin”ni Telegramʻda oʻqing!
