Mikel Arteta Arsenal boshqaruvida tarixiy natijalar sari odimlamoqda. Jamoa ayni damda Angliya Premer-ligasi va Chempionlar ligasida gʻoliblik uchun kurash olib borayotgani sababli, ispaniyalik mutaxassisning kelajagi London klubi muxlislari uchun asosiy mavzuga aylandi. Bu haqda Goal.com xabar beradi.
Transferlar boʻyicha ekspert Fabritsio Romanoning taʼkidlashicha, tomonlar yangi shartnoma borasida muzokaralarni davom ettirmoqda, biroq yakuniy qaror mavsum yakuniga qadar qoldirilgan. Hozirda klubning barcha eʼtibori sovrinlar uchun kechayotgan hal qiluvchi oʻyinlarga qaratilgan.
Arsenal joriy mavsumda oʻz tarixida ilk bor Chempionlar ligasi gʻolibi boʻlishni maqsad qilgan. Shuningdek, jamoa 2003-04 yilgi mavsumdan buyon ilk bor Angliya chempionligini qoʻlga kiritish uchun ajoyib imkoniyatga ega.
Artetaning amaldagi shartnomasi kelasi mavsum oxirigacha moʻljallangan. Klub rahbariyati mavsum yakunlangach, uning maoshini oshirgan holda yangi bitim imzolashni rejalashtirmoqda. Bu qadam mutaxassisning Yevropa futbolidagi nufuzli murabbiylar qatorida ekanligini tasdiqlaydi.
“Zamin”ni Telegramʻda oʻqing!
