Millionlar o‘yini bo‘lmish futbol haqida eshitgan, bilgan va o‘ynagan istalgan odamni eskirmaydigan bir savol qiziqtirib keladi: Krishtianu Ronaldu zo‘rmi yoki Lionel Messi? Bunda har ikkala futbolchining personal muxlislari ma’lum o‘yinchining foydasiga tanlov qilsa, mutaxassis hamda ekspertlar ularni bir-biri bilan taqqoslamaslik zarurligini ta’kidlaydi. Shundan kelib chiqib, quyida nima uchun Messi va Ronalduni taqqoslamaslik kerakligi sabablariga to‘xtalib o‘tiladi.
Messi va Ronaldu maydonda turli pozitsiyalarda o‘ynaydi
Kollaj: «Daryo»
Agar o‘yinchilar xolisona taqqoslaganda ham, ularning turli pozitsiyalarda o‘ynashi bunga imkon bermaydi. Messi maydonda erkin ijodkor bo‘lib, ma’lum bir vazifa bilan cheklanmaydi, u qanotda ham hujum ortida ham birdek foydali o‘ynashi mumkin. Ronaldu esa vaziyatlarni yakunlaydigan haqiqiy vahshiy. Aynan golli vaziyatlarni yakunlash bo‘yicha Ronaldu so‘nggi yillarda dunyoning eng yaxshilaridan biriga aylandi. Ronaldu va Messi o‘rtasidagi taqqoslashni qabul qilish uchun hech bo‘lmaganda portugaliyalik «Manchester Yunayted»dagi dastlabki yillarida bo‘lgani kabi qanotda o‘ynashi kerak edi.
Ronaldu va Messining maydondagi vazifalari turlicha
Foto: Getty Images
Turli xil pozitsiyalarda o‘ynash tabiiyki, Ronaldu va Messining maydondagi vazifalarini ham belgilab beradi. Murabbiylar ulardan turli maqsadlar yo‘lida foydalanadi, Andrea Pirlo portugaliyalikni yuqorida ta’kidlanganidek, vaziyatlarni yakunlashda foydalanadi. Messidan esa ajoyib uzatmalar, zarbalar berish va o‘yinni nazorat qilish talab qilinadi. Bu borada Messining o‘zi shunday degandi: «Ronaldu — yakunlovchi, men esa o‘yinni qurish bilan shug‘ullanaman!»
Foto: Instagram
Messi va Ronalduni taqqoslash hech qaysi tomonning g‘alabasi bilan yakunlanmaydi
Odatda taqqoslashlar eng yaxshisini aniqlash uchun o‘tkaziladi. Shu mantiqqa asoslanib aytilsa, u yoki bu qarama-qarshilikda kimdir (yoki nimadir) g‘alaba qozonishi kerak. Biroq Messi va Ronalduning holatida bu imkonsiz ish, chunki butun dunyodagi odamlarning ikki afsonadan birining foydasiga tanlov qilishi ehtimoldan ancha yiroq.
Muxlislar o‘rtasidagi qarama-qarshiliklar futbolga zarar keltiradi
Foto: Twitter
Qanchalik g‘alati eshitilmasin, Messi va Ronaldu o‘rtasidagi sun’iy ravishda kelib chiqqan raqobat dunyo futboliga zarar keltiradi: har kuni millionlab insonlar shu ikki futbolchidan birining yaxshiroq ekanini isbotlash uchun bir-birlari bilan bahslashadi, tortishadi, hatto haqorat qilishgacha ham boradi. Ehtimol, dunyoda biron bir taqqoslash bu darajaga yetib bormagan bo‘lsa kerak. Lekin har sohada bo‘lgani kabi futbolda ham insoniylik birinchi o‘rinda turishi kerak. Shunday ekan, Messi va Ronalduni taqqoslashni to‘xtatish vaqti yetdi.
Futbol kamsitish va haqorat emas, balki zavq ulashishi kerak
Futbol birinchi navbatda hissiyotlardan iboratdir, aynan shuning uchun ham ko‘pchilik ushbu sport turi bilan shug‘ullanadi, o‘ynaydi, tomosha qiladi. Va aynan shuning uchun tunlar bedor o‘tkaziladi, g‘alabalar va «kambek»lar olam-olam quvonch bag‘ishlasa, mag‘lubiyatlardan ko‘zlar yoshlarga to‘ladi. Messi va Ronaldu holatida ham shunday bo‘lishi kerak, aslida. Har hafta Messining jarima zarbalari yoki Ronalduning ikki metr balandlikdan urgan gollari, driblinglar, paslar, yangi rekordlarni ko‘rish qanday yoqimli. Shunday ekan, kim zo‘r ekani haqida bahslashish yoki janjallashgandan ko‘ra shunchaki ularning o‘yinidan zavq olish lozim. Boisi bu darajadagi futbolchilarning yana yetishib chiqishi ehtimoli kam. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi