Foto: Instagram
Professional boksda faoliyatini davom ettirayotgan o‘zbekistonlik sportchilar Shohjahon Ergashev (18-0, 16 KO) va Shahram G‘iyosov (10-0, 8 KO) ijtimoiy tarmoqda o‘zaro tortishib ketdi. Ergashev Instagram sahifasiga mashg‘ulot vaqtidagi videolaridan birini joyladi. Shahram post ostida olqishlovchi emojilar bilan sharh qoldirdi.
Shohjahonning mana bu gaplaridan keyin esa tortishuv boshlandi: «Rahmat, yaxshi tayyorlan. Qachondir baribir jang qilamiz, revansh olarsan. U vaqtda senga oson bo‘lmaydi, qattiq tayyorlan».
G‘iyosov ham shunga yarasha javob qaytardi: «Menga qarshi jang qilish uchun, senga hali ancha bor... Senga bunda 60 kilogrammlik temirlar yordam berolmaydi, yaxshiroq shug‘ullan».
Shundan keyin sportchilar bir birini saviyasiz raqiblar bilan jang qilib yurganligini qayd etdi.
«Kimlarni urib yurganingni ko‘rdik. Sal pastroq tush. Kel, vaqtga qo‘yib beraylik, ring ko‘rsatsin. Inshaalloh, hisob 2:0 bo‘ladi», — deya avvalroq Shahramni yenganiga shama qildi Ergashev.
Bunga javoban G‘iyosov bu masala ringda hal bo‘lishini aytdi: «Men endi gapirmay kimlar bilan jang qilib yurganingni. Uyat kerak, katta gapirishga. Ringda gaplashamiz!».
Skrin: Instagram
Ma’lumot uchun, har ikki bokschi super yengil vazn toifasida (-63,5 kg) ishtirok etadi. Mazkur divizionning WBA yo‘nalishi reytingida G‘iyosov 6-o‘rinni egallab turibdi, Ergashev esa 8-o‘rindan joy olgan.
Eslatib o‘tamiz, Ergashev 2019 yilda havaskor boksda G‘iyosovni mag‘lub etgani haqida aytgandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
