Italiya A Seriyasining 35-turida “Jenoa” o‘z maydonida “Sassuolo”ni qabul qilib, 1:2 hisobida alamli mag‘lubiyatga uchradi. Aslida joriy mavsumda raqib ancha kuchli o‘yin ko‘rsatyapti va haqli ravishda Yevropa ligasi yo‘llanmasi uchun kurashmoqda.
“Sassuolo” joriy mavsumda safar o‘yinlarida nafaqat “Jenoa”, “Spetsiya”, “Bolonya”, “Verona”, “Krotone”, “Benevento” kabi kamtarroq jamoalar, balki “Napoli”, “Sampdoriya”, “Milan” singari nomdor va kuchli klublari maydonidan ham uch ochkodan olib qaytgani e’tiborga molik.
Genuyadagi uchrashuv ham to‘liq ravishda “Sassuolo” futbolchilari ustunligida o‘tdi. Roberto De Dzerbi shogirdlaridan Jakomo Raspadori va Domeniko Berardi mezbonlar darvozasini ishg‘ol qildi. "Jenoa"ning yagona javob to‘pi himoyachi Davide Dzappakosta hisobiga yozildi.
Ko‘rinib turibdiki, “Jenoa” bosh murabbiyi Davide Ballardini shu kuni tarkibdagi deyarli barcha hujumchilar – Goran Pandev, Mattia Destro, Eldor Shomurodov, Janluka Skamakka, Marko Pyatsa xizmatidan foydalangan bo‘lsa-da, ulardan hech biri raqib darvozasi tomon yo‘l topa olmadi.
Avvalgi ikkita uchrashuvda ikkita gol urgan Eldor Shomurodov o‘yinga ikkinchi bo‘limda qo‘shildi. Biroq, legionerimiz ham butun jamoa singari o‘ziga bildirilgan ishonchni oqlay olmadi. Genuyalik muxlislar Shomurodovning o‘yiniga turlicha munosabat bildirmoqda.
E’tiboringizga “Jenoa” ishqibozlarining hamyurtimiz haqidagi firk-mulohazalarini havola etamiz.
Gianni Riselli: Men bosh murabbiy Eldor Shomurodovni nega boshlang‘ich tarkibda maydonga tushirmaganini umuman tushunmadim. O‘zbek legioneri oxirgi ikkita uchrashuvda bir juft gol urdi. Lekin Davide Ballardini qariya Goran Pandevga nimanidir eplashini kutmoqda.
Vincenzo Cembrola: Pandev oxirgi 11 ta uchrashuvda erishgan natijasini Shomurodov butun mavsumda qayd etolmaydi.
Luca Perfetto: Shomurodov maydonda hech narsa qila olmadi. Skamakka va Pyatsaga ko‘proq vaqt berish kerak edi.
Tony Napolano: Oldin Shomurodov ikkinchi bo‘limda maydonga tushsa, zo‘r o‘ynaydi, deb ishonardim. Bu gal u yo‘qolib qoldi.
Davide Nappi (Tony Napolano fikriga javoban): “Sassuolo”ga qarshi uchrashuvda faqat Shomurodov emas, butun jamoa ko‘ringani yo‘q. Bunaqa vaziyatda zaxiradan tushib, nimgadir erishish juda qiyin.
Carmine Auletta: Biz hisobda ortda qolayotganimizda Ballardini zaxira imkoniyatlaridan noto‘g‘ri foydalandi. Birinchi bo‘lib Marko Pyatsani maydonga tashlash kerak edi. Keyinroq, Shomurodov va Skamakkani o‘yinga tushirganida foyda ko‘proq bo‘lardi.
Salvino Ferrarini: Hujumda butunlay parokandalikka uchradik. Bu tarkib noto‘g‘ri tanlaganining oqibati. Pandevni o‘yinga tushirish kerak emasdi. Hujumga ilk daqiqalardan Destro va Shomurodovni qo‘yganda yaxshi bo‘lardi. Eldor oxirgi ikki bahsda ikkita gol urgandi.
Renato Benincasa: Shomurodov topishmoq o‘yinchi. Ikkita uchrashuvda, bir juft gol urgandi, uchinchi o‘yinda to‘pga tekkani ham yo‘q. Uning beqaror o‘yini o‘zida bor iste’dodning to‘liq ochilishiga to‘sqinlik qilyapti. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
